Bəhmən Həsənov: Kəpəzin son oyunlardakı geriləməsindən yararlanmalıyıq

"Rəvan"ın baş məşqçisi Bəhmən Həsənov Topaz Premyer Liqasının 24-cü turu çərçivəsində "Kəpəz"ə qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Bu, bizim üçün çox vacib görüşdür. Təəssüf ki, bu oyun ərəfəsində heyətlə bağlı ciddi itkilərimiz var. Qapıçımız Rəşad Əzizov oyunu buraxa bilər. Cəmşid Məhərrəmovla Saşa Yunisoğlu da zədəlidir. Buna baxmayaraq, qarşıdakı oyunda bizi ancaq qələbə qane edir. "Xəzər Lənkəran" öz meydanında AZAL-ı qəbul edir və 3 xal qazana bilər. Xal itirəcəyimiz halda, "Xəzər Lənkəran"la fərq arta bilər. Bu da bizi qane etmir. "Kəpəz"də isə son oyunlarda geriləmə var. Bundan yararlanmağa çalışacağıq".