Adil Nağıyev: Qarabağla xal fərqini azaltmaq istəyirik
"Zirə"nin müdafiəçisi Adil Nağıyev Topaz Premyer Liqasının 24-cü turu çərçivəsində "Qarabağ"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:
"Qarabağ" Premyer Liqanın ən yaxşı komandasıdır. Öz meydanında daha yaxşı çıxış edir. Rəqibdən 4 xal geri qalırıq və bu fərqi azaltmaq istəyirik. Qələbə qazanıb, liderliyə yaxınlaşmaq fikrimiz var. Düzünü deyim ki, rəqibin heyətində heç kimdən qorxmuruq, ehtiyatlanmırıq. Baxmayaraq ki, onların heyətində təkbaşına oyunun taleyini həll edə biləcək futbolçular var".
Nağıyev Azərbaycan kubokunun 1/4 final mərhələsi çərçivəsində "Qəbələ"yə qarşı keçirdikləri oyundan da söz açıb: "Kubok matçları çempionat oyunlarından fərqlənir. Çünki avrokuboklara vəsiqə qazanmağın ən rahat yolu kubokdan keçir. Məğlub olsaq da, sonadək mübarizə apardıq. Cütün taleyinə cavab matçında aydınlıq gələcək. Həmin oyunda da qələbə qazanmaq istəyirik. Yarımfinala çıxacaq gücdəyik".
