Nazarov oynamadı, Karlsrue qalib gəldi

Almaniya ikinci Bundesliqasında 25-ci turun oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Dmitri Nazarovun komandası - "Karlsrue" də növbəti matçına çıxıb.

Sözügedən klub səfərdə Düsseldorf "Fortuna"sı ilə qarşılaşıb. Futbolçumuzun komandası bu oyunda minimal hesablı qələbəyə sevinib - 1:0. Nazarov bu görüşün iştirak ərizəsində yer alsa da, meydana buraxılmayıb.

Qeyd edək ki, "Karlsrue" hazırda 34 xalla 18 klub arasında 7-ci pillədə qərarlaşıb.