Sergey Zenyov: Hakimlik sadəcə, biabırçı vəziyyətdədir

"Qəbələ"nin hücumçusu Sergey Zenyov Azərbaycan kubokunun 1/4 final mərhələsi çərçivəsində "Zirə"yə qarşı keçirdikləri ilk oyundan (2:1) sonra fikirlərini bölüşüb. Azerisport.az saytına açıqlamasında o, bunları söyləyib:

"İlk oyunda qələbə qazansaqda, hələ yarımfinala hansı komandanın adlayacağına 100 faiz aydınlıq gəlməyib. Hər şeyə cavab matçında aydınlıq gələcək. Doğma meydanda keçirəcəyimiz görüşə də ciddi hazırlaşacağıq. Səfər oyununda iki qol vurmağımız isə nədənsə xəbər verir.

Son dövrlərdə hakimlikdən çox narazı qalırıq. Onların hansı qərarları vermək istədiyini anlamırıq. Belə hakimliyə necə reaksiya vermək lazım olduğunu da bilmirəm. Sadəcə, inanın ki, mənim deyəcək sözüm yoxdur. Bu, sadəcə, biabırçılıqdır".