"Artyom Milevski Azərbaycan çempionatında oynamaq istəmir"

Ukrayna yığmasının və Kiyev "Dinamo"sunun sabiq hücumçusu Artyom Milevski karyerasını Azərbaycanda davam etdirmək istəmədiyini açıqlayıb. Azerisport.az xəbər verir ki, bu barədə açıqlama verən futbolçunun meneceri Aleksandr Pankov futbolçunun eyni zamanda Rusiya və Qazaxıstan variantlarına da razılaşmadığını bəyan edib:

"Rusiya klublarından bizə dəvət gəldi. Amma Artyom hələ oraya getməyə hazır deyil. Buna təkcə siyasi səbəblər aid deyil, o, ümumiyyətlə Rusiyaya getmək istəmir. Eləcə də Qazaxıstan və Azərbaycana".

Qeyd edək ki, Milevski ötən ay Rumıniyanın "Konkordiya" klubuna keçib. (РБК-Украина)