Millimizin sabiq müdafiəçisi İrəvanda meydana çıxdı

Azərbaycan yığmasının sabiq yarımmüdafiəçisi Abdulla Abatsiyevin Rusiyanın "Torpedo" (Armavir) klubuna keçdiyini xəbər vermişdik. Azerisport.az xəbər verir ki, artıq bu komanda Rusiya 1-ci divizionuna hazırlığın həlledici mərhələsini həyata keçirmək üçün Ermənistanın paytaxtı İrəvana yollanıb.

Sözügedən komanda bu şəhərdəki toplanış çərçivəsində ilk yoxlama oyununu da keçirib. "Torpedo" yerli "Banants"la qarşılaşıb və 0:1 hesabıyla məğlub olub. Abatsiyev matçın ikinci hissəsində meydana çıxıb.

Qeyd edək ki, vaxtilə "İnter"də çıxış etmiş Abatsiyev ölkəmizdən ayrılarkən Azərbaycan vətəndaşlığından da imtina edib.