XL və Neftçinin kubok dueli rəqəmlərdə
Bu həftə Azərbaycan kubokunda 1/4 final mərhələsinə start veriləcək. Azerisport.az xəbər verir ki, martın 2-də kubok uğrunda mübarizəni davam etdirən komandalar ilk 1/4 final oyunlarına çıxacaq.
Peşəkar Futbol Liqasının rəsmi internet saytı üz-üzə gələcək cütlərin kubok yarışlarındakı əvvəlki duellərinin balansını təqdim edir.
Azərbaycan kuboku
1/4 final, ilk oyunlar
2 mart (çərşənbə)
“Rəvan” – “İnter” – indiyədək qarşılaşmayıblar
“Qarabağ” – “Sumqayıt” – 1 oyun, +1=0-0, top fərqi 3:0
Rəqiblərin yeganə kubok dueli 5 il əvvələ təsadüf edib. 1 oyundan ibarət 1/8 final matçında böyükhesablı qələbə qazanan “Qarabağ” mərhələ adlayıb.
2011/12 | 1/8 final | Qarabağ (Ağdam) - Sumqayıt Şəhər | 3:0 |
“Xəzər Lənkəran” – “Neftçi” – 3 oyun, +1=2-0, top fərqi 5:4
Prinsipial rəqiblərin kubokdakı yolları iki dəfə kəsişib. 2010/11 mövsümündə baş tutan ən məhsuldar oyunda “Xəzər Lənkəran” səfər qələbəsi qazanıb – 4:3. Digər iki matçda qalib müəyyənləşməsə də, 120 dəqiqəsi heç-heçə başa çatan 3 il əvvəlki duel penaltilər seriyasınadək davam edib. “Neftçi” kubok oyunlarında məğlub edə bilmədiyi rəqibini yalnız finalın qalibinin müəyyənləşdiyi penaltilər seriyasında üstələyib.
2010/11 | 1/4 final | Neftçi (Bakı) - Xəzər Lənkəran | 3:4, 1:1 |
2012/13 | final | Neftçi (Bakı) - Xəzər Lənkəran | 0:0, p.5:3 |
“Zirə” – “Qəbələ” – indiyədək qarşılaşmayıblar
