Məsimov: Burada tək mənə yox, Azərbaycan futboluna da çox böyük hörmətlə yanaşırlar

Sloveniyanın "Domjale" klubunun yarımmüdafiəçisi Samir Məsimovun azerisport.az saytına müsahibəsi

- Sizi Sloveniya klubunda necə qəbul etdilər?
- Əla qarşıladılar. Təəssüflənəsi heç nə yoxdur.

- Artıq özünüzü bu komandanın bir hissəsi hesab edirsiniz?
- Belə qəbuldan sonra komandaya uyğunlaşmaq, kollektivə isinişmək asan olur. Məşqlərdə də özümü komfortda hiss edirəm. Hazırlıqlarımız çox maraqlı keçir. Bu da mənim xoşuma gəlir.

- Klubunuzdan mətbuata verilən açıqlamalar hələ ki, müsbət yöndədir...
- Burada təkcə mənə yox, bütövlükdə Azərbaycan futboluna çox hörmətlə yanaşırlar.

- "Neftçi"nin sizə belə şərait yaratmasını, heç bir transfer haqqı tələb etməməsini necə qarşıladınız?
- Mən AFFA-nın baş katibi Elxan Məmmədova böyük təşəkkürümü bildirmək istəyirəm ki, "Domjale"yə keçməyimə çox kömək etdi. "Neftçi" rəhbərliyinə də minnətdaram.

- Keçmiş komandanızın çıxışını izləyirsiniz?
- Çalışıram. Keçmiş komandama yeni uğurlar arzulayıram. Uşaqlara da futbol həyatında uğurlar diləyirəm.