Kamran Quliyev: Sumqayıtın Vaqif Sadıqov kimi namizədə ehtiyacı var idi
"Sumqayıt"ın prezidenti Kamran Quliyev Vaqif Sadıqovun namizədliyinin bu klub tərəfindən AFFA İcraiyyə Komitəsinə verilməsinə münasibət bildirib. Azerisport.az saytına açıqlamasında o, bunları söyləyib:
"Biz öz seçimimizi Vaqif Sadıqovun üzərində saxladıq və AFFA-ya da bununla bağlı məktub göndərdik. Biz Sadıqovun namizədliyini hələ vakansiya yaranan kimi təklif etmişdik. O, aktiv futbol adamıdır. AFFA Məşqçilər Komitəsinin də sədridir. Bizim İK-da öz maraqlarımızı ifadə edə bilən belə bir insana ehtiyacımız var idi".
Quliyev həmçinin Topaz Premyer Liqasının 22-ci turu çərçivəsində AZAL üzərində qazanılan qələbəyə görə futbolçulara mükafat verdiklərini də açıqlayıb: "Amma mükafatın məbləğini açıqlamayacağam. Sabah isə söz verdiyimiz mükafatlar futbolçulara paylanacaq".
