"Azərbaycan millisi nümayiş etdirdiyi oyuna görə qələbəyə layiq idi"
Rusiyanın 17 yaşadək futbolçulardan ibarət yığmasının baş məşqçisi Sergey Matveyev Bakıda Azərbaycan millisinə qarşı keçirdikləri ikinci yoxlama oyunundan sonra fikirlərini bölüşüb. Azerisport.az xəbər verir ki, o, komandasının 0:1 hesablı məğlubiyyəti ilə bağlı bunları söyləyib:
“Azərbaycan yığması ilk dəqiqələrdən üstünlüyə yiyələndi. Nümayiş etdirdiyi oyuna görə rəqibimiz qələbəyə layiq idi. Onlar bu matçda özlərinə daha çox güvənirdilər. Müdafiədə də inamlı oynadılar və bizə təhlükəli vəziyyətlər yaratmağa imkan vermədilər.
Komandamın çıxışına gəldikdə, bildiyiniz kimi, bir neçə gündən sonra Avropa çempionatının elit-raundunda mübarizəyə başlayacağıq. Ona görə də Bakıya gətirdiyim bütün futbolçulara oynamaq imkanı yaratdım. Nəticədə oyun intizamımız pozuldu”. (AFFA)
