Yığmamız Rusiyaya qalib gəldi

Bu gün Bakı Olimpiya Stadionunda 17 yaşadək futbolçulardan ibarət Azərbaycan yığması yoxlama oyunu keçirib. Azerisport.az xəbər verir ki, yığmamız Rusiyanın U-17 komandası ilə qarşılaşıb.

Saat 16:00-da başlayan qarşılaşmanı Orxan Məmmədov, Yaşar Abbasov, Akif Əmirəli və İnqilab Məmmədovdan ibarət hakimlər briqadası idarə edib. İlk oyundan fərqli, komandamız ikinci görüşdə qələbə qazanmağı bacarıb.

Bu komandalar arasında fevralın 23-də keçirilmiş ilk oyun Rusiya yığmasının 5:1 hesablı qələbəsi ilə yekunlaşmışdı.

Yoxlama oyunu
25 fevral

Azərbaycan - Rusiya - 1:0 (0:0)
Gülər, 80+1 (1:0)