Rasim Ramaldanov: Gəncədən yaxşı nəticə ilə qayıtmaq istəyirik
"Sumqayıt"ın müdafiəçisi Rasim Ramaldanov yeni komandasındakı debüt oyunundan - AZAL-a qarşı keçirdikləri görüşdən danışıb. Azerisport.az saytına açıqlamasında o, 2:0 hesabıyla qalib gəldikləri oyunla bağlı bunları söyləyib:
"Mənə elə gəlir ki, yeni klubumdakı debütüm pis alınmadı. AZAL-la matçda biz qələbə qazanmaq istəyirdik, buna da nail olduq. Tədricən forma yığıram və daha yaxşı olmaq üçün əlimdən gələni edirəm. Baş məşqçi ilə söhbət etməmişəm. Heç kim deyə bilməz ki, mənim artıq əsas heyətdəki yerim toxunulmazdır. Kim güclüdürsə, o da oynayacaq. Qarşıda "Kəpəz"lə oyun var. Yaxşı komandadır. Amma stadionları heç də yaxşı vəziyyətdə deyil. Lakin bu, bizim üçün nəyəsə bəraət qazandırmağa əsas vermir. Gəncədən yaxşı nəticə ilə qayıtmaq istəyirik".
