Rusiya yığmasının üzvü: Azərbaycan AÇ-də uğur qazana bilər
Rusiyanın U-17 yığmasının yarımmüdafiəçisi Pyotr Volodkin Bakıda Azərbaycan yığmasına qarşı keçirdikləri yoxlama oyununu şərh edib. Azerisport.az saytına açıqlamasında o, 5:1 hesablı qələbələri ilə bağlı bunları söyləyib:
"Oyun xoşuma gəldi, qələbə qazandıq. Böyük hesabla qalib gəlsək də, matç çətin alındı. Ələ düşən qol şanslarından yararlana bildik. Etiraf edim ki, indiyə qədər heç vaxt belə böyük stadionda oynamamışdım. Xoş oldu. Azərbaycanla daha bir oyun keçirəcəyik. Növbəti oyun daha çətin olacaq. Amma yenə qələbə qazanmaq istəyirik. Azərbaycan yığması yaxşı komandadır, lakin kimisə xüsusi fərqləndirməzdim. AÇ-2016-nın final mərhələsi zamanı komandanızın böyük üstünlüyü olacaq. Çünki doğma meydanda, öz azarkeşləri qarşısında oynayacaq. Fikrimcə, Azərbaycan millisi Avropa çempionatında uğurlu nəticə qazana bilər".
Qeyd edək ki, AÇ-2016 mayın 5-dən 21-nə qədər Bakıda keçiriləcək.
