Qurbanov Neftçidə 50-ci oyununu keçirdi

Azərbaycan millisinin hücumçusu Ruslan Qurbanov Topaz Premyer Liqasında “Neftçi”nin heyətində 50-ci oyununu keçirib. Azerisport.az xəbər verir ki, o, yubileyini 22-ci turun “Qarabağ”la matçında qeyd edib.

Qurbanov bu qarşılaşmalarda 13 qol vurub. 2010/11 mövsümündə debüt etdiyi ağ-qara formada 6 matça çıxan hücumçu 2013/14 mövsümündə 15 oyunda 3 qol vurub. Ötən çempionat 11 görüşdə 3 dəfə fərqlənən milliləşən legioner cari mövsümdə məhsuldarlığı ilə seçilib. 18 oyunda 7 qola imza atan Qurbanov hesabını 13 topa çatdırıb.

“Neftçi”dən başqa yalnız “Sumqayıt”da oynamış Qurbanovun hesabında ümumilikdə Premyer Liqada 103 matçda 22 qol var. (PFL)