Tərlan Əhmədov: Sumqayıt yaxşı oynayıb, qalib gəldi
AZAL-ın baş məşqçisi Tərlan Əhmədov Topaz Premyer Liqasının 22-ci turu çərçivəsində "Sumqayıt"a qarşı keçirdikləri oyunu şərh edib. Azerisport.az xəbər verir ki, "təyyarəçilər"in çalışdırıcısı 0:2 hesabıyla bitən qarşılaşmadan sonra bunları söyləyib:
"Komandalarımız arasında səkkiz xallıq fərq var idi. Rəqibin qələbəni çox arzuladığını bilirdik. "Sumqayıt" yaxşı oyun sərgilədi. Rəqibi qələbə münasibətilə təbrik edirəm. 75-ci dəqiqəyə qədər biz yaxşı oyun sərgiləmədik. Son turlardakı uğurlu çıxışımızın davamını bu görüşdə də gətirmək istəyirdik. Növbəti ev oyunumuzda da qələbə qazanmağa çalışacağıq. Bu gün heyətimizdə Murad Səttarlı ilə İlqar Ələkbərov yer almamışdı. Onların əvəzində başqa uşaqlara şans vermişdim. Amma Hacı Əhmədov hələ komandaya tam uyğunlaşa bilməyib". (CBC)
