Artim Şakiri: Qarabağdan yeni mövsümdə ÇL-in qrup mərhələsində oynamağı gözləyirəm

"Qarabağ"ın sabiq yarımmüdafiəçisi Artim Şakiri bu komandanın Muarem Muaremi geri qaytarmasına münasibət bildirib. Azerisport.az saytına açıqlamasında o, bunları söyləyib:

"Muarem düzgün seçim etdi. Fikrimcə, o, zamanla yenidən bu komandaya faydalı ola biləcək. Muarem "Qarabağ"a lazımlı futbolçudur. Çünki bu klubun artıq Çempionlar Liqasında oynamaq vaxtıdır. Ardıcıl iki mövsüm Avropa Liqasının qrup mərhələsində uğurlu çıxış edən "Qarabağ"ın qitənin ən nüfuzlu klub turnirində də oxşar uğura imza atması lazımdır. Növbəti mövsümdə Ağdam klubundan məhz bu uğuru gözləyirəm".