Rəşad Abdullayev: Karyeramı Zirədə başa vura bilərəm

"Zirə"nin yarımmüdafiəçisi Rəşad Abdullayev karyerasını başa vurmaq istəyindən danışıb. Azerisport.az saytına açıqlamasında o, bunları söyləyib?

"Özüm üçün belə qərara gəlmişəm ki, karyeramı "Zirə"də başa vurum. Klubumu tez-tez dəyişməyi xoşlamıram. Sonuncu dəfə AZAL-ı ciddi səbəblərim olduğuna görə tərk etmişdim. Amma karyeramı hələ nə vaxt başa vuracağımı bilmirəm. Nə qədər ki, mənə ehtiyac var, komandada qalacağam. Görsəm ki, mənə az şans verməyə başlayırlar, meydanda az vaxt keçirirəm, o zaman karyeramı başa vuracağam. Bu, cari mövsümün sonunda da ola bilər. Sənə ehtiyac yoxdursa, niyə futbolda qalmalısan ki? Bu, mənlik deyil".