Rail Məlikov: Futbolçumuza kömək edən bütün klublara təşəkkürümüzü bildiririk

AZAL-ın kapitanı Rail Məlikov komandanın 28 yaşlı futbolçusu Rüfət Musayevin xərçəng xəstəliyinin müalicəsi üçün Premyer Liqanın digər klublarının göstərdiyi köməkdən danışıb. Azerisport.az saytına açıqlamasında o, bunları söyləyib:

"Qarabağ"la oyundan öncə bu klubun futbolçuları öz aralarında topladıqları pulu bizə çatdırdılar. Amma həmin məbləği açıqlamayacağam. "Neftçi", "Qəbələ", "İnter", "Neftçala", "Zirə" və "Ağsu"dan da kömək olunub. Kömək edənlərə, etmək istəyənlərə təşəkkürümüzü bildiririk. Müalicənin ilk mərhələsi artıq geridə qalıb. Daha iki mərhələ olacaq. Həkimlər bizi ümidləndirdilər. Müalicənin uğurlu olacağına ümidliyik".