Nuqzar Kvirtiya: Kəpəzin son oyunları göstərir ki, Gəncədə bizə çətin olacaq
AZAL-ın yarımmüdafiəçisi Nuqzar Kvirtiya Topaz Premyer Liqasının 19-cu turu çərçivəsində "Qarabağ" üzərində qələbə qazandıqları oyundan (1:0) danışıb. Azerisport.az saytına açıqlamasında o, bunları söyləyib:
"Liderə qarşı oynadığımızı yaxşı başa düşürdük. Çox ehtiyatlı oynamaq lazım idi ki, lazım olan nəticəni qazanaq. Tərlan Əhmədov düz bir həftə bizi bu oyuna hazırlamışdı. O, bizə 2015-ci ilin son beş oyununda oynadığımız kimi çıxış etmək tapşırığı vermişdi. Sevindirici haldır ki, qələbə qazandıq. Şadam ki, qələbə qolunu mən vurdum. Amma əsas komandanın qələbəsi idi. Qarşıda bizi "Kəpəz"lə oyun gözləyir. Onların da son oyunları göstərir ki, bizə Gəncədə çox ağır olacaq. Hava şəraiti qazona təsirsiz ötüşməyəcək. Bu, vacib məqamdır. Amma istənilən halda biz öz futbolumuzu sərgiləməyə çalışacağıq".
