Rusiya millisini Azərbaycan ilə oyuna Pisarev çıxaracaq

AÇ-2017-nin seçmə mərhələsində Azərbaycanın U-21 yığmasının rəqibi olan Rusiya seçməsinin baş məşqçisi müəyyənləşib. Azerisport.az xəbər verir ki, bundan sonra sözügedən komandanı Nikolay Pisarev çalışdıracaq.

Qeyd edək ki, Pisarev seçmə mərhələdəki ilk rəsmi oyununu martın 24-də elə Azərbaycana qarşı keçirəcək.

Xatırladaq ki, Rusiya yığmasını Pisarevdən öncə Dmitri Xomuxa çalışdırırdı. Amma o, Bakıda Azərbaycana 0:3 hesablı məğlubiyyətdən sonra istefaya göndərilib.