Sadıqlı Rəvanı tərk edib, Xəzər Lənkərana qayıtdı

"Xəzər Lənkəran"dakı böhrandan çıxış yolunu komandadan ayrılmaqda görən qapıçı Orxan Sadıqlının "Rəvan"a keçdiyini xəbər vermişdik. Azerisport.az xəbər verir ki, o, mövsümün qalan hissəsini paytaxt klubunda davam etdirməyə qərar vermişdi.

Lakin gənc qolkiper fikrini dəyişib. O, "aslanlar"la olan anlaşmasını pozaraq, yenidən cənub klubuna qayıtmaq qərarına gəlib. Bunu saytımıza açıqlamasında futbolçunun özü bəyan edib:

"Xəzər Lənkəran"dan mənimlə əlaqə saxladılar və bildirdilər ki, komandaya qayıtmağımı istəyirlər. Mən bundan imtina edə bilmədim. Çünki "Xəzər Lənkəran" mənim üçün doğma klubdur. Buna görə də qayıtmağa qərar verdim. "Rəvan"la müqavilə imzalamamışdım. Sadəcə, bununla bağlı razılığa gəlmişdik və komanda ilə məşq edirdim. İstənilən halda paytaxt klubunun rəhbərliyinə, məşqçilər korpusuna təşəkkürümü bildirirəm ki, məni eşitdilər və başa düşdülər".

Sadıqlı onu da bəyan edib ki, "Rəvan"ı maliyyə problemlərinə görə tərk etməyib: "Hər şey yaxşı idi. Sadəcə, "Xəzər Lənkəran" mənim qayıtmağımda israrlı oldu. Buna görə də qayıtmalı oldum".