PFL AZAL - Qarabağ matçının vaxtını dəyişdi

AZAL klubu Peşəkar Futbol Liqasına müraciət ünvanlayıb. Azerisport.az PFL-ə istinadla xəbər verir ki, AZAL əsas heyətin 3 üzvünün 21 yaşlı futbolçulardan ibarət Azərbaycan milli komandasının düşərgəsində olduğunu əsas gətirərək Topaz Premyer Liqasının 19-cu turunun “Qarabağ”la keçiriləcək oyununun vaxtının dəyişdirilməsini xahiş edib.

Yarışların əsasnaməsini və “Qarabağ”ın razılığını rəhbər tutan PFL AZAL - “Qarabağ” görüşünün əvvəlcədən nəzərdə tutulduğu kimi 30 yanvarda deyil, 31 yanvarda oynanılmasına qərar verib.