Robert Prosineçkidən U-21 yığmamıza tərif

Azərbaycan yığmasının baş məşqçisi Robert Prosineçki gənclərdən ibarət millimizin Antalya Kuboku çərçivəsində Albaniya üzərində qazandığı 4:0 hesablı qələbəni şərh edib. Azerisport.az saytına açıqlamasında o, bunları söyləyib:

"Komandamız parlaq qələbə qazandı. Eyni zamanda yaxşı futbol sərgilədi. Futbolçuları bu oyun münasibətilə təbrik edirəm. Ukrayna (2:1) və Səudiyyə Ərəbistanı (3:0) üzərində qazanılan qələbələri də qeyd etmək lazımdır. Amma Albaniya üzərindəki qələbə daha əla oldu. Azərbaycan futbolu baxımından yaxşı gösətirici sayıla bilər. Elnur Cəfərovla bağlı yaranan münaqişəyə gəlincə, həmin epizod sırf futbol hadisəsi idi. Kristiano Ronaldo qol vuranda gülümsəmir. Kimsə onun ayağına vuranda, arxadan saxlamağa çalışanda da xoşuna gəlmir, rəqib futbolçudan haqq-hesab soruşur. Futbol üçün bu, normal haldır. Əsas odur ki, komanda bu gün hər şeyi yaxşı etdi. Komandanın çoxlu qol vəziyyəti oldu, dörd qol vurdu".