Namiq Ələsgərov: Bu, mənim üçün ikiqat stimuldur

Azərbaycanın U-21 yığmasının yarımmüdafiəçisi Namiq Ələsgərov Türkiyə toplanışı çərçivəsində qatıldıqları Antalya Kubokunda Ukrayna (2:1) və Səudiyyə Ərəbistanı (3:0) üzərində qazandıqları qələbəni şərh edib. Azerisport.az saytına açıqlamasında o, bunları söyləyib:

"Tədricən forma yığıram. Düzünü deyim ki, futbol üçün darıxmışdım. Yığmada keçirdiyim iki oyun da xeyrimə oldu. Matçlar da uğurlu alındı. Xüsusilə də, dörd qol vurmağımı nəzərə alsaq, hər şey yaxşı gedir. Bunun faydası olmalıdır. Qarşıda daha iki oyunumuz var. Fikrimcə, həmin oyunlardan sonra özümü daha yaxşı hiss edəcəyəm. Əsas millinin baş məşqçisi Robert Prosineçkinin bizim oyunlarımızı izlədiyini bilirəm. Bu, mənim üçün ikiqat stimuldur".