Dodo: Ümid edirəm ki, Qəbələ çempionatda belə problemlə üzləşməyəcək

"Qəbələ"nin yarımmüdafiəçisi Dodo Türkiyə toplanışı çərçivəsində Ukrayna "Dnepr"inə qarşı keçirdikləri yoxlama oyununu (0:1) şərh edib. Azerisport.az saytına açıqlamasında o, bunları söyləyib:

"Biz yaxşı toplanış keçdik. Təəssüf ki, "Dnepr"lə son yoxlama oyununda məğlubiyyətlə üzləşdik. Baxmayaraq ki, məğlubiyyətə layiq deyildik. Əslində, bizim qol vurmağımız üçün yetərincə imkanımız oldu. Sadəcə, onlardan yararlana bilmədik. Ümid edirəm ki, çempionatda belə problemlə üzləşməyəcəyik".