Millimiz Antalya Kubokunda 5000 dollara sahib çıxa bilməyəcək

Azərbaycanın 21 yaşadək futbolçulardan ibarət yığma komandasının Türkiyədə təşkil olunan Antalya Kubokunda mübarizə apardığından xəbərdarsınız. Azerisport.az xəbər verir ki, turnirin qalibi olacaq komanda 5000 ABŞ dolları məbləğində baş mükafata sahib çıxacaq.

Amma Azərbaycan millisi bütün oyunlarda qalib gəlsə belə, həmin mükafata sahib çıxa bilməz. Bunun səbəbi isə komandamızın turniri erkən tərk etməyi planlaşdırmasıdır. Çünki milli üzvlərinin əksəri öz klublarının düşərgəsinə qayıtmalı, mövsümün qalan hissəsinin hazırlığında iştirak etməlidir. Bu üzdən də komandamız turnirin digər iştirakçısı Kosovo yığması ilə qarşılaşmayacaq. Bu həm də ölkəmizin Kosovonun müstəqilliyini tanımamasından irəli gəlir.
 
Qeyd edək ki, Azərbaycan millisi bu turnirdəki ilk oyununda Ukraynaya qalib gəlib - 2:1. Millimiz həmçinin Albaniya, Səudiyyə Ərəbistanı  və Bəhreynlə də qarşılaşacaq.