Yığmamız Ukraynaya qalib gəldi
Bu gün Azərbaycanın U-21 yığması Türkiyədə təşkil olunan "Antalya Kuboku"nda ilk oyununa çıxıb. Azerisport.az xəbər verir ki, Yaşar Vahabzadənin çalışdırdığı millimiz startda Ukrayna ilə qarşılaşıb.
Matç təmsilçimiz üçün uğurlu alınıb. Qarşılaşmada hesabı ukraynalılar açsa da, sonda qələbəni millimiz bayram edib.
Antalya Kuboku
22 yanvar
Azərbaycan - Ukrayna - 2:1 (0:0)
Qollar: Yevgeni Çumak 49 (0:1). Namiq Ələsgərov, 58-pen. (1:1). Namiq Ələsgərov, 85 (2:1).
Sarı vərəqə: Yevgeni Çumak, 71. Vüqar Mustafayev, 71.
Yığmamızın start heyəti: Şahruddin Məhəmmədəliyev, Rahil Məmmədov, Azər Salahlı, Fuad Bayramov, Məqsəd İsayev, Elnur Cəfərov, Kamal Mirzəyev, Namiq Ələsgərov, Vüqar Mustafayev, Ruslan Nəsirli, Sadiq Quliyev.
Qeyd edək ki, turnirdə Bəhreyn, Səudiyyə Ərəbistanı və Albaniyanın gənclərdən ibarət milli komandaları da iştirak edir.
