İnter Verderə yenə minimal hesabla uduzdu
Türkiyədə təlim-məşq toplanışında olan "İnter" bu gün növbəti yoxlama görüşünə çıxıb. Azerisport.az xəbər verir ki, paytaxt klubu ikinci sınağında da Almaniya təmsilçisi ilə qarşılaşıb.
Belə ki, bakılılar bir neçə gün öncə bu ölkənin "Verder" klubunun ikinci komandası ilə qarşılaşmış və 0:1 hesablı məğlubiyyətlə üzləşmişdilər. Amma bu dəfə Zaur Svanadzenin çalışdırdığı kollektiv "Verder"in əsas komandası ilə qarşılaşıb. Lakin bakılılar yenə meydanı minimal hesablı məğlubiyyətlə tərk ediblər.
Yoxlama oyunu
15 yanvar
"İnter" - "Verder" - 0:1 (0:1)
Qol: Pizarro, 41 (0:1).
"İnter": 1. Kamran Ağayev (79. Georgi Lomaya, 46), 6. Laşa Salukvadze, 14. Zurab Xizanişvili, 5. Denis Silva, 30. Abbas Hüseynov (12. Ruslan Əmircanov, 46), 22. İlkin Qırtımov (4. Laşa Kasradze, 68), 24. Fuad Bayramov, 7. Nika Kvekveskiri, 10. Elnur Abdullayev (77. Qara Qarayev, 46), 8. Nizami Hacıyev, 17. Vüqar Nadirov.
Ehtiyat oyunçular: 2. Sertan Taşkın, 39. Elnur Süleymanov, 45. İlkin Sadıqov.
"Verder": 43. Oelşlaqel, 23. Selassi, 25. Hüsinq, 7. Vesterqaard, 37. Sternberq (8. Frits, 9), 51. Kleynheysler, 27. Qrillits, 20. Qarsiya, 35. Eggesteyn, 14. Pizarro (28. Lorenzen, 62), 52. Morris.
Ehtiyat oyunçu: 42. Vidvald.
