Şahdağ dağılmayacaq

Bir müddət əvvəl “Şahdağ”ın dağılmaq üzrə olduğu, sponsporların klubdan əl çəkdiyi bildirilirdi. Azerisport.az xəbər verir ki, Qusar təmsilçisi də tarixin yaddaşına qovuşa bilərdi.

Ancaq "Şahdağ" fəaliyyətini davam etdirəcək. Klubun mətbuat xidmətindən aldığımız məlumata görə, maliyyə vəziyyəti də sabitləşmək üzrədir. Yaxın günlərdə klubun futbolçulara olan borcları da ödəniləcək. Hansı ki, komanda üzvləri bir neçə ay idi maaş ala bilmirdi.

Qusar təmsilçisi yanvarın 15-də təlim-məşq toplanışına start verəcək. Komandanın iki yoxlama oyunu keçirməsi də planlaşdırılır. Oyunlardan biri MOİK-ə, digəri isə "Sumqayıt"ın əvəzedici komandasına qarşı olacaq.