Azərbaycan Qazaxıstandan cavab gözləyir

Futzal üzrə Azərbaycan yığması Avropa çempionatının final mərhələsinə hazırlığı davam etdirir. Azerisport.az xəbər verir ki, millimiz Serbiyanın paytaxtı Belqradda keçiriləcək və fevralın 2-də start götürəcək qitə birinciliyinə itkisiz hazırlaşır.

Yanvarın 24-də isə Sergey Çuykovun da komandamıza qoşulması gözlənilir. Hansı ki, o, Rusiya çempionatındakı oyunlar səbəbindən yığmamıza qoşula bilmir.

Qeyd edək ki, millimizin son hazırlıq prosesinin də vaxtı artıq bəllidir. Həlledici mərhələ yanvarın 22-dən 30-na qədər davam edəcək. Tino Peresin çalışdırdığı komandamız Belqrada yanvarın 31-də yollanacaq.

Azərbaycan yığması son hazırlıq prosesi zamanı iki yoxlama oyunu da keçirməyi planlaşdırır. Amma hələ də rəqib tapılmayıb. Belarus və Ukrayna yığmaları Azərbaycan Futzal Federasiyasının Bakıya dəvətini qəbul etməyib. Hazırda isə Qazaxıstandan cavab gözlənilir.