Muarem Muarem: Mövsümü yenə qızıl dublla başa vuracağımıza inanıram
"Qarabağ"ın makedoniyalı yarımmüdafiəçisi Muarem Muarem yenidən Ağdam klubuna qayıtmasından danışıb. Azerisport.az saytına açıqlamasında o, bunları söyləyib:
"Qarabağ" mənim üçün doğma klubdur. Əlbəttə, yenidən komandanın heyətinə dönməyi, əsas heyət üzvü olmağı hədəfləmişəm. Bunun üçün əlimdən gələni edəcəyəm. Komanda üçün lazımlı futbolçu olmağa çalışacağam. Amma yekun qərarı baş məşqçi Qurban Qurbanov qəbul edir. Onun qərarı necə olacaqsa, qəbul edəcəyəm".
"Qarabağ"da üç il oynamışam. Bu klubun uğurları üçün əlimdən gələni etmişəm. Əlbəttə, başqa klublardan da təkliflər var idi. Amma mən Ağdam klubuna qayıtmağa üstünlük verdim. Klub rəhbərliyi də sağ olsun ki, məni geri qaytardı. Xoşbəxtəm. Məşqlərə gəlincə, hər şey öz qaydası ilə gedir. Çempionata hazırlaşırıq. "Qarabağ" hər il olduğu kimi, bu mövsüm də çempionluğa oynayır. Mövsümü yenə də qızıl dublla başa vuracağımıza inanıram".
