Bakı klubu qış turnirindən imtina etdi

"Qaradağ Lökbatan" Premyer Liqa və birinci divizion klubları arasında təşkil olunan qış turnirində iştirakdan imtina edib. Azerisport.az saytına açıqlamasında bunu klubun prezidenti Tahir Mustafayev bildirib:

"Biz bu turnirdə iştirakdan imtina etdik. Çünki komanda yenicə toplanıb. Çoxlu yeni futbolçumuz var. Turnirdə sadəcə, iştirak xatirinə oynamaq istəmirik. Baş məşqçimiz də bildirdi ki, komanda oynamağa hazır deyil".

Qeyd edək ki, bu turnirdə "Qaradağ Lökbatan"ın da iştirak edəcəyi bildirilirdi. Hətta bu gün atılan püşkatma nəticəsində komandanın "Xəzər Lənkəran", "Neftçala" və "Rəvan"la bir qrupda mübarizə aparacağı da məlum idi. Digər qrupda isə AZAL, MOİK, "Şərurspor" və "Neftçi" yarışacaq.