Millimizin rəqibi baş məşqçi seçimi üçün maraqlı metoda əl atıb

Xəbər verdiyimiz kimi, Türkiyənin Antalya şəhərində təlim-məşq toplanışında olacaq Azərbaycan milli komandası martın 26-da Qazaxıstan yığması ilə yoxlama oyunu keçirəcək. Azerisport.az xəbər verir ki, Qazaxıstan yığması hazırda baş məşqçisizdir.

Qazaxıstan Futbol Federasiyası isə yeni baş məşqçini müəyyənləşdirmək üçün maraqlı qərar qəbul edib. Belə ki, azarkeşlər arasında qurumun rəsmi saytında açıq səsvermə keçirilir. Yanvarın 15-dək davam edəcək ilkin mərhələdə hələlik, qazaxlar millini yerli və ya əcnəbi mütəxəssisin çalışdırmasını müəyyənləşdirməlidirlər. Bu müəyyənləşdikdən sonra səsvermənin ikinci mərhələsi təşkil olunacaq.