Ağabala Ramazanov: Ən azı yaya qədər Sumqayıtdayam

"Sumqayıt"ın hücumçusu Ağabala Ramazanov başqa klubların onunla maraqlanması barədə xəbərlərə münasibət bildirib. Azerisport.az saytına açıqlamasında o, bunları söyləyib:

"Düzünü deyim ki, heç bir klubdan rəsmi təklif almamışam. Amma eşitmişəm, mətbuatdan oxumuşam ki, bəzi klublar mənimlə maraqlanırlar. Məsələn, "Qəbələ" və "Neftçi" ilə adım hallanıb. Amma şəxsən özümə rəsmi olaraq müraciət edən, dəvət edən klub olmayıb. "Sumqayıt"da işlərim yaxşı gedir. Komandama kömək etməyə çalışıram. Hətta təklif gəlsə belə, qışda komandamı dəyişmək fikrim yoxdur. Ən azından yaya qədər buradayam. Ondan sonra necə olacağını zaman göstərəcək".