İtaliya - Azərbaycan matçı gecə yarısı başlayacaq

Serbiyanın paytaxtı Belqradda təşkil olunacaq futzal üzrə AÇ-2016-nın final mərhələsinin təqvimi açıqlanıb. Azerisport.az xəbər verir ki, Azərbaycan yığmasının da oyunlarının başlama saatları müəyyənləşib.

Qeyd edək ki, millimiz AÇ-dəki ilk matçını İtaliyaya qarşı keçirəcək. Fevralın 3-də baş tutacaq həmin görüş yerli vaxtla 21:00-da (Bakı vaxtı ilə 00:00) start götürəcək.

İki gün sonra - fevralın 5-də keçiriləcək Azərbaycan - Çexiya matçı da eyni saatda başlayacaq.

Qitə birinciliyi fevralın 13-də yekunlaşacaq.

Yığmamızın yer aldığı D qrupunun oyunlarının təqvimi:

3 fevral
21:00. İtaliya - Azərbaycan

5 fevral
21:00. Azərbaycan - Çexiya

7 fevral
21:00. Çexiya - İtaliya