İsrafilovun komandası ilin son oyununda qələbə qazandı

İspaniya La Liqasında 17-ci turun oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Eddi İsrafilovun komandası - "Eybar" da növbəti, eyni zamanda ilin son matçına çıxıb.

Sözügedən klub doğma meydanda "Sportinq"lə qarşılaşıb. Futbolçumuzun komandası bu görüşdə 2:0 hesablı qələbəyə sevinib. İsrafilovun adı bu görüşün iştirak ərizəsində yer almayıb.

Qeyd edək ki, "Eybar" hazırda 24 xalla turnir cədvəlinin 9-cu pilləsində qərarlaşıb.