Bülənt Qorxmaz: Qara Qarayev də Super Liqada oynamağın əleyhinə deyil

Türkiyənin "Mersin İdmanyurdu" klubunun baş məşqçisi Bülənt Qorxmaz bəyan edib ki, o, "Qarabağ"ın yarımmüdafiəçisi Qara Qarayevlə Azərbaycandakı daha bir futbolçunun xidmətində maraqlıdır. Azerisport.az saytına açıqlamasında vaxtilə "Bakı"nın baş məşqçisi olmuş mütəxəssis bunları söyləyib:

"Azərbaycanda bir neçə futbolçu var ki, onların oyununu bəyənirəm. Hazırda onlardan ikisi ilə maraqlanırıq. Biri Qara Qarayevdir. Fikrimcə, o özü də Super Liqada oynamağın əleyhinə deyil. Onun transferini həyata keçirmək üçün bizə bir neçə gün lazımdır. Çünki bonların bizdən nə istədiyini, bizim nə təklif etdiyimizi müəyyənləşdirmək lazımdır. Qarayevin xidmətində maraqlıyam. Klub rəhbərliyi ilə görüşümdən sonra hər şeyə aydınlıq gələcək".