Üç futbolçusu Zirəni tərk edə bilər

"Zirə" qış fasiləsi zamanı üç futbolçusu ilə yollarını ayıra bilər. Azerisport.az xəbər verir ki, paytaxt klubu Nurlan Novruzov, Elton Hüseynov və Ülvi Süleymanovdan imtina etməyə hazırlaşır.

Qeyd edək ki, bu futbolçular cari mövsümdə çox az oynamaq şansı qazanıb. Baş məşqçi Adil Şükürov da saytımıza müsahibəsində az oynayan futbolçuların komandadan göndərilməsinin mümkünlüyünü dil gətirmişdi. Ötən mövsüm "Bakı"da çıxış edən bu üç oyunçunun da "Zirə"dən ayrılmaq ehtimalı böyükdür.