Əfqanıstan nümayəndə heyəti Bakı Olimpiya Stadionunda

Əfqanıstan nümayəndə heyəti Bakı Olimpiya Stadionunu ziyarət edib. Azerisport.az xəbər verir ki, aralarında İctimai Məsələlər naziri Mahmud Balig, Şəhərsalma Məsələləri naziri Sadət Mansur Nadiri olan qonaqlar stadionun infrastrukturu ilə tanış olublar və keçmiş və gələcək tədbirlər haqqında məlumat əldə ediblər.

Sadət Mansur Nadiri gördüklərini belə şərh edib: “Stadionun böyüklüyü və belə rekord vaxtda tikilməsi onun möhtəşəmliyinə nümunədir”.

Mahmud Balig isə bunları vurğulayıb: “Mən çox sevinirəm ki, İslam Həmrəyliyi Oyunları Azərbaycanda keçiriləcək, biz öz idmançılarımızı dəstəkləmək üçün gələcəyik".