Vitali Borisov: Belarus İsveç deyil, çox güclü rəqibdir

Futzal üzrə Azərbaycan yığmasının liderlərindən biri - Vitali Borisov dünya çempionatının seçmə mərhələsi çərçivəsində İsveçə qarşı keçirdikləri ilk oyunu (8:2) şərh edib. Azerisport.az saytına açıqlamasında o, bunları söyləyib:

"Biz yaxşı oynadıq, rəqibə istədiyi kimi çıxış etməyə imkan vermədik. Ola bilsin ki, biz belə böyük hesablı qələbə gözləmirdik. Amma qalib gələcəyimizə əmin idik. Yaxşı ki, erkən qol vurduq. Ondan sonra isə davamı gəldi. İki qol vurmağım təbii ki, məni çox sevindirir. Amma əsas komandamızın qələbə qazanmasıdır".

Borisov bu gün Belarusa qarşı keçirəcəkləri növbəti oyunla da bağlı fikirlərini bölüşüb: "Belarus İsveç deyil. Bu komanda tamamilə fərqli səviyyədədir. Çox güclü rəqibdir. Onlarla oynamaq bizə çətin olacaq".