Vitali Borisov: Qrupdan çıxmaq şansımız var

Futzal üzrə Azərbaycan yığmasının liderlərindən biri - Vitali Borisov dünya çempionatının seçmə mərhələsi çərçivəsində bu gün İsveçə qarşı keçirəcəkləri ilk oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Bu turnirə hazırlığımız istədiyimiz kimi alınmadı. Sadəcə, yerli futzalçılardan ibarət komanda ilə yoxlama oyunu keçirə bildik. Qarşıda bizi seçmə mərhələnin ilk oyunu - İsveçlə görüş gözləyir. Qələbə qazanmaq istəyirik. Komandamızda legionerlərin sayı az deyil. Onların millimizə nə dərəcədə faydalı olacağını oyunlar göstərəcək. Oyunlarımızın təqvimi yaxşıdır. Qrupdan çıxmaq şansımız var".