Samir Musayev: Anderlextin yeganə üstünlüyü azarkeşləridir

"Qarabağ"ın sabiq hücumçusu Samir Musayev Ağdam klubunun Avropa Liqasının qrup mərhələsi çərçivəsində bu gecə Belçika "Anderlext"inə qarşı keçirəcəyi səfər oyunu öncəsi fikirlərini bölüşüb. Azerisport.az saytına açıqlamasında o, bunları söyləyib:

"Qarabağ"ı çətin oyun gözləyir. Amma Ağdam klubu səfərdə çox yaxşı oynayır. Bunu nəzərə alsaq, "Qarabağ"dan Belçikada uğurlu nəticə gözləmək olar. Bunun üçün sadəcə, sürətli futbol oynamaq, tez qərarlar vermək lazımdır. "Qarabağ"ın onsuz da itiriləsi heç nəyi yoxdur. "Anderlext"in yeganə üstünlüyü doğma meydan və azarkeş amilidir. Amma "Qarabağ"ı da 9 milyon azarkeş dəstəkləyəcək. Komandamıza dua edəcəyik. Uşaqlar xalqın dəstəyini hiss etsələr, uğur bizim tərəfimizdə olacaq".