Aleksandr Panov: Bakıda Krasnodara asan olmayacaq

Rusiya yığmasının sabiq hücumçusu Aleksandr Panov Avropa Liqasının qrup mərhələsi çərçivəsində "Qəbələ" ilə "Krasnodar" arasında keçiriləcək oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Krasnodar"ın bu mövsümkü oyunu xoşuma gəlir. Onlar maraqlı oynayırlar. Heyətləri də güclüdür. Buna görə də Rusiya çempionatında və Avropa Liqasında uğurlu çıxış edirlər. Mənə elə gəlir ki, "Qəbələ" ilə oyun da maraqlı olacaq. Amma "Krasnodar"a Bakıda asan olmayacaq. Onlar son iki oyunda əsl xarakter nümayiş etdiriblər. Aydın məsələdir ki, yerli azarkeşlər də "Qəbələ"yə dəstək olacaqlar".