İnterin futbolçusu: Volqa işi uduzsa da, borcu ödəmək istəmir

"İnter"in müdafiəçisi Laşa Salukvadze bəyan edib ki, ona borcu olan Rusiyanın "Volqa" klubu ilə məhkəmə işini qazanıb. Azerisport.az saytına açıqlamasında o, bunları söyləyib:

"Mən praktik olaraq işi qazanmışam. Bu iş bir neçə ildir davam edir. Sadəcə, klub pulu verməyi arzulamır. "Volqa" mənə olan borcunu ödəməsə, UEFA onları cəzalandıracaq. Ondan sonra Nijni Novqorodda futbol olmayacaq".

Qeyd edək ki, Salukvadze dörd ildir ki, "Volqa"dan borcunu ala bilmir.