Elxan Abdullayev: Qarabağın şansı var, amma təəssüf ki, taleyi öz əlində deyil

Azərbaycan yığmasının məşqçisi Elxan Abdullayev "Qarabağ"ın Avropa Liqasının pley-off mərhələsinə çıxmaq şanslarını dəyərləndirib. Azerisport.az saytına açıqlamasında o, bunları söyləyib:

"Şans var. Amma təəssüf ki, taleyimiz öz əlimizdə deyil. Məsələ burasındadır ki, hətta "Anderlext"ə qalib gəlsək də, "Monako"nun Londondan "Tottenhem"ə qalib gəlməməsinə ümid etməliyik. İngiltərə klubu pley-offa vəsiqəni təmin edib və elə də motivasiyalı deyil. İngiltərə klubunun meydana hansı heyətlə çıxacağı bilinmir. Həm də "Anderlext"ə Belçikada qalib gəlmək heç də asan deyil. Bizdən fərqli, onların taleyi öz əllərindədir. Belçikalılar "Qarabağ"a qalib gəlsələr, pley-offa çıxacaqlar. Ağdamlıların şansı həddən artıq cüzidir".