İvanoviç: Mənimlə İnter və Neftçi maraqlanır

Qazaxıstanın "Atırau" klubunun hücumçusu İvan İvanoviç karyerasını Azərbaycanda davam etdirməyin mümkünlüyündən danışıb. Azerisport.az xəbər verir ki, 26 yaşlı forvardın kiçik qardaşı İqor İvanoviç də hazırda "Zirə"nin şərəfini qoruyur.

İvan Qazaxıstan mətbuatına müsahibəsində bunları qeyd edib: "Qardaşımla fikirlərimiz demək olar ki, həmişə üst-üstə düşür. İqor komandasından razıdır. Azərbaycandan mənə də zəng gəlmişdi. Amma sonda necə alınacağını zaman göstərəcək. Həm də hazırda özümü Qazaxıstan çempionatında yaxşı hiss edirəm və yerli çempionata tam uyğunlaşmışam. Düzdür, müqaviləmin müddəti başa çatır. Amma "Atırau"da qalmaq istəyərdim. Baxacağıq. Menecerim artıq Rusiya və Azərbaycandan beş klubla danışıq aparır.  Ona görə də yeni müqavilə baxımından heç bir problem olmayacaq (gülür). Özümə güvənirəm və bilirəm ki, yüksək səviyyədə oynaya bilərəm. Mənimlə maraqlanan klublar arasında Bakı "İnter"i, "Neftçi", "Zirə", eləcə də Rusiyanın "Krılya Sovetov" klubları var".