Millimizin DÇ-yə hazırlıq planı bəlli oldu

Futzal üzrə Azərbaycan yığmasının dünya çempionatının seçmə mərhələsi çərçivəsində Xorvatiyada keçiriləcək qrup oyunlarına səfər planı müəyyənləşib. Azerisport.az xəbər verir ki, Toni Peresin çalışdırdığı komandamız Osiyekə dekabrın 8-də yola düşəcək.

İspaniyalı mütəxəssisin sərəncamında hazırda 18 futzalçı var. Amma o, seçmə mərhələ üçün bu siyahını 14-ə endirəcək.

Qeyd edək ki, yığmamız ilk oyununu dekabrın 10-da İsveçə qarşı keçirəcək. Növbəti gün Azərbaycan - Belarus matçı baş tutacaq. Komandamız həlledici oyununu dekabrın 13-də Xorvatiyaya qarşı keçirəcək.