Qarabağ Sumqayıta, Xəzər Lənkəran Neftçiyə rəqib oldu

Azərbaycan Kubokunda 1/4 final mərhələsinin altı iştirakçısı bəlli olub. Azerisport.az xəbər verir ki, bu gün baş tutan 1/8 final mərhələsinin altı oyununda qalib gələn "İnter", "Sumqayıt", "Zirə", "Xəzər Lənkəran", "Neftçi" və "Qarabağ" adını növbəti mərhələyə yazdırıb.

Artıq 1/4 finalda üz-üzə gələcək iki cütlük də bəllidir. Belə ki, "Xəzər Lənkəran" növbəti mərhələdə əzəli rəqibi "Neftçi" ilə, "Qarabağ" isə "Sumqayıt"la qarşılaşacaq.

"İnter"lə "Zirə"nin isə rəqibi hələlik, tam dəqiqləşməyib. "İnter"i "Rəvan" - "Bakı", "Zirə"ni də "Qəbələ" - "Mil-Muğan" cütünün qalibi ilə duel gözləyir.