Rəşad Eyyubov: Moldova ilə oyunda əsas qələbə qazanmaq idi

Noyabrın 17-də Moldova ilə yoxlama oyununda azarkeşləri 2:1 hesablı qələbə ilə sevindirən yığma komandamız ili qalibiyyətlə başa vurub. Azerisport.az xəbər verir ki, Bakı Olimpiya Stadionunda keçirilən matçda “Kəpəz”in futbolçusu Rəşad Eyyubov da oynamaq şansı qazanıb.

O, Gəncə klubunun saytına Moldova ilə oyunla bağlı fikirlərini bölüşüb: “Yaxşı oyun oldu. İli qələbə ilə başa vurduq. Təbii ki, buna görə sevinməyə dəyər. İkinci hissənin gedişində oynamaq şansı qazanıb meydana daxil oldum. Əsas olan qalib gəlmək idi. Oyun planında daha da artırmalıyıq ki, gələn təsnifat mərhələsində uğur qazana bilək. Matçdan sonra millinin baş məşqçisi Robert Prosineçki və AFFA rəhbərliyi uşaqlara oyuna görə təşəkkür edib, razılığını bildirdi”.