Ramiz Məmmədov: Moldova yığmasına qalib gəlmək lazımdır

Futbol mütəxəssisi Ramiz Məmmədov Azərbaycan və Moldova yığmaları arasında bu gün keçiriləcək yoxlama oyunu öncəsi fikirlərini bölüşüb. Azerisport.az saytına açıqlamasında o, bunları söyləyib:

"Heyətdə itkilər var. Amma bu, yığmada az oynayan futbolçular üçün bir şansdır. Əminəm ki, Robert Prosineçki başqa futbolçulara da şans verəcək. Yoxlama oyunları elə bunun üçün keçirilir. Fikrimcə, ən azı heç-heçə edə bilərik. Amma ümid edirəm ki, ilin son oyununda komandamız qələbə qazanacaqlar. Moldovanı 100 faiz məğlub etmək olar. Onlara da qalib gəlməyəcəyiksə, o zaman kimi məğlub edəcəyik? Düzdür, Moldova yığması səfərdə yaxşı oynayır. Elə son seçmə mərhələdə onların Rusiya ilə səfərdə heç-heçə etməsini yada salmaq kifayətdir. Moldova yığması seçmə mərhələlərdə ilk qələbəsini məhz Azərbaycan üzərində qazanıb. Bu gün onları məğlub etmək lazımdır".